“Bisha nga Lindja” ka goditur Europën, duke sjellë borë dhe rënie të temperaturave në të gjithë kontinentin. Shkollat janë ndërprerë në të gjithë Italinë dhe Roma u mbulua e gjitha nga dëbora.
Britania e madhe ka njoftuar për reduktimin e orarit të punës, pasi është në pritje të një stuhie dëbore. Mbrëmjen e së dielës, temperaturat në Moskë shkuan në -20 gradë, duke e bërë natën më të ftohtë të dimrit deri tani.
Shërbimi kombëtar meteorologjik i Francës paralajmëroi se temperaturat do të ishin midis 8 dhe 10 gradë celsius, nën mesataren për sezonin.
Në Gjermani, meteorologët raportuan një të ftohtë rekord për këtë dimër, në-27 gradë në Zugspitze, kulmin më të lartë të vendit. Në Rumani, temperaturat arritën në -8 gradë, teksa shkollat do të qëndronin të mbyllura për të paktën dy ditë.
Në Kroaci, rreth 1.000 ushtarë u bashkuan me përpjekjet për të pastruar borën në zonat më të rëndë, ku janë raportuar mbi 1.5 metra bore.